Ана — ардақты есім

"Анасын көріп, қызын ал" демей ме дана халқымыз. Аналардың салып кеткен сара жолын өсіп келе жатқан қылықты қыздарымызға үлгі етсек, нұр үстіне нұр. Осы мақсатта Шиелі ауданы, Алғабас ауылы №157 Б.Пәрімбетов атындағы орта мектепте көпбалалы, алтын құрсақты аналармен кездесу өтті. Айта кетейік, іс-шара 11 қазан Қыздар күніне байланысты ұйымдастырылған. Кеш қонақтары Тана Мәмбетова, Маржан Қадірова, Айнұр Бейсенбаева оқушыларға қызды қырық үйден тыю мәселесіне тоқталса, мектеп директорының тәрбие ісі жөніндегі орынбасары Зағира Қозыбаева ерте жүктілік мәселесіне тереңірек түсіндірді. Кездесу соңында қатысушылар кеш қонақтарына алғысын, жылы лебізін білдірді.